??? Бүгүн, ыам ыйын 21 күнүгэр, Саха сиригэр Ырыа күнэ бэлиэтэнэр. Н.И.Харитонов-Николай Чуор аатынан «Кыталык» КД үлэһиттэрэ улуустааҕы поликлиникаҕа сылдьан ырыа туһатын туһунан кэпсээтилэр, ырыа ыллаан иһитиннэрдилэр. «Доруобуйа туһугар ыллааҥ» диэн брошюркалары түҥэттилэр.
Ньурба олохтоохторун Ырыа күнүнэн эҕэрдэлээн туран, көрдөрө кэлбит дьоҥҥо ырыа ыллыылларыгар сүбэ-соргу биэрдилэр.Мэйии үлэтиттэн саҕалаан, хаан эргииригэр, ордук тыынар уорганнарга тыыныы гимнастикатын солбуйар, маны таһынан кэлэҕэйдиир дьон дикциялара тупсарын, оннооҕор ыйааһыннара улахан дьон аччыктаатахтарына аһылык оннугар икки-үс ырыаны ыллыылларыгар сүбэлииллэр.
Исписэлиистэр киһи сууккаҕа 5 мүнүүтэ ырыа ыллаатаҕына физическэй хамсаныыны оҥорууга холуулларын туһунан этэллэр .
Иванна Иванова
Анна Васильева видеоҕа устуута
Антонина Семенова